Ferðalagið mitt að léttara lífi...

2007-05-15T20:39:00.000Z

Ruglaðist aðeins...hér er afgangurinn af myndunum :) Kannski þið sem skoðið þetta blogg sjái meiri mun en ég.

Kv. Dóra

2007-05-15T20:32:00.000Z

Ég er ekki hætt sko! Bara búið að vera mikið að gera hjá mér og lítið þannig séð að gerast, vigtin er loksins núna eftir 5 mánaða stopp að sýna þyngdartap. En mér datt í hug að setja saman elstu myndirnar sem voru teknar af mér þann 8.11.06 og elstu myndirnar sem voru teknar af mér þann 10.05.07. Ég er orðin eitthvað svo samdaunuð að sjá myndir af mér að ég bara sé mjög lítinn mun á mér - kannski einhverjir aðrir en ég sjái eitthvað annað en ég.

2007-03-20T20:38:00.000Z

Heildarummálsmæling og fitumæling
Þá er ég búin með þennan mánuð hjá henni Siggu en hún mun halda áfram að mæla mig samt sem áður en ég fæ prógrammið á blaði og fer eftir því. En á þessum 6 vikum sem ég var hjá henni missti ég í heildarummáli 48 cm og 5.8% í fitu! Þannig að þegar ég legg þetta saman við það sem ég var búin að missa, er ég búin að missa 73.5 cm og 10.1% í fitu - þetta er slatti ekki satt?

En þyngdin stendur í stað, en Sigga las yfir mér áðan og sagði mér hætta að hugsa svona mikið um þyngdina, búin að missa 48 cm og ef ég kvartaði meira myndi hún henda mér út í sundlaug með lóð! Hún er ágæt þessi elska :) En já þetta er auðvitað rétt hjá henni, vöðvar eru þyngri en fita og spurning hvort ég ætti að breyta markmiðum mínum þannig að hafa með prósentuna...

Jæja læt þetta duga núna...
Kveðja,
Dóra

2007-03-18T14:17:00.000Z

Mér fannst nú vera kominn tími á nýjan póst, það hefur bara verið svo klikkað að gera hjá mér í skólanum og hérna heima að ég hef bara engan tíma haft, ekki einu sinni til að sinna Myndasíðu Andra Þórs á barnalandi sem er aukavinnan mín. En ég fer í síðasta tímann hjá Siggu á þriðjudaginn en þá verður heildarmæling hjá mér. En ég var mæld í síðustu viku og þá voru farin 1.2% af fitu og hún ummálsmældi efri handlegg hjá mér og það voru 2.5 cm farnir þaðan. Ég er komin niður fyrir 40% í fitu, ég var að átta mig á þessu að fituprósentan hjá mér var 47.3% þegar ég byrjaði 21. september og núna er hún komin niður fyrir 40%. Ég veit að ég er að minnka í ummáli og prósentum en ég vil að þyngdin minnki líka og ég hef sterkan grun að hún hafi ekkert farið neitt rosalega niður. Ég veit að vöðvar eru þyngri en fita og eðilegt að ég þyngist eða standi í stað þegar maður er að byrja í svona prógrammi en mig vantar svo buxur!!!

Ég fór áðan til Siggu en mætti 40 mínútum fyrir tímann og tók 40 mín á hjóli, svo einkaþjálfun síðan tók ég 20 mín á hjóli eftir það. Kraftur í mér í dag :) En manni líður svo vel eftir að hafa tekið svona vel á.

Ég fæ síðan prógrammið hjá henni og fer eftir því sjálf og svo ætlar hún að mæla mig á 2 vikna fresti - það er mitt aðhald.

Skrifa svo á þriðjudagskvöldið þegar heildarmælingin er komin í hús.

Kv. Dóra

2007-03-01T19:44:00.000Z

Í dag var ég fitumæld hjá Siggu einkaþjálfara - vika síðan ég var mæld síðast. Og fituprósentan fór um 1% niður síðan síðast og ég fékk að velja annan stað á líkamanum og ég valdi mjaðmasvæðið og það eru 8 cn farnir þaðan :) Ekkert sná glöð.

Jæja ætla að fá mér að borða :)

Kveðja,
Dóra

2007-02-23T14:50:00.000Z

Það voru teknar myndir í gær en þær voru ekki nógu vel teknar hjá Gunnari, þannig að ég ætla að biðja hann um að taka aftur í dag. Ætla þá að bera saman desember myndirnar og nýjustu myndirnar.

Ég fór auðvitað til Siggu í gær og til þess að samræma harðsperrur í efri og neðri part, lagði hún mikla áherslu á efri part í gær þannig að ég verð glæsileg í harðsperrum í kvöld og á morgun, er aðeins farin að geta sest eins og manneskja, hef þurft bókstaflega að HLAMMA mér niður þegar ég vil setjast. Gunnar hló eins og vitleysingur af mér hérna í gærkvöldi, þvílík svipbrigði sem ég gaf víst frá mér við að setjast niður og standa upp.

Ég er svo fegin að vera komin i sama gír og ég var í fyrir jól, er hætt núna að hugsa um nammi og hef ekki hugsað um pepsi max bara heillengi og kvöldnaslið mitt ef ég finn þörf, eru gulrætur eða ávextir. Svo er ég búin að vera rosalega dugleg í vatnsdrykkjunni, vatn er gott fyrir heilann og ekki veitir mér af hjálp þar í lærdómnum. Ég ætla að fara á morgun og sunnudag í brennslu. Það eina, eftir að ég byrjaði að léttast og minnka er mér oftar kaldara á fótum og höndum sem er mjög óvenjulegt fyrir mig.

Ég fór til læknis í síðustu viku útaf hælunum og fór í röntgen. Í gær kom í ljós að það eru breytingar á báðum hælum, þó meiri breyting á hægri og er ég með hælspora. Segi reyndar frá því nánar á dagsdaglega blogginu mínu.

Jæja ég læt þetta duga í bili.

Kveðja,
Dóra

2007-02-20T19:55:00.000Z

Ég var fitumæld í kvöld, ég var síðast mæld fyrir 12 dögum síðan og ég er búin að missa 2% af fitu síðan þá!! Sigga var auðvitað mjög ánægð en fannst þetta alveg ótrúlegur árangur á ekki lengri tíma þannig að í verðlaun fékk ég að velja líkamspart til að ummálsmæla og valdi ég magasvæðið og á 12 dögum hef ég misst heila 9 cm af þessu svæði!!

Me happy now ;)

Annars var ég vel pínd áðan og hálf kvíð ég fyrir kvöldinu á morgun :) en mér líður vel, rosalega vel!

Kveðja,
Dóra

2007-02-20T12:35:00.000Z

Ég eignaðist nýjar buxur í gær

Nei ég svindlaði ekki og vigtaði mig og nei ég er ekki búin að ná næsta 5 kg markmiði. Ég keypti í haust buxur sem ég hef notað sem markmiðsbuxur, kom þeim varla upp þegar ég keypti þær og ég mátaði þær í desember og þá vantaði smá upp á að ég gæti náð þeim utan yfir magasvæðið. En í gærkvöldi ákvað ég að máta þær þar sem ég hafði ekki mátað þær í smá tíma og viti menn...þær pössuðu og er ég í þeim núna! Nú þarf ég að finna aðrar markmiðsbuxur....

Fer til einkaþjálfarans í kvöld og fór í röntgen í morgun vegna hælanna á mér og ef það kemur ekkert úr þessum myndum á ég að fara til bæklunarsérfræðings.

Jæja nú er að koma sér að verki og læra!

Kveðja.
Dóra

2007-02-15T19:15:00.000Z

Ó MÆ FFFFF....FREAKING GOD! Skjús mæ frénsj...
Ég var að koma frá böðlinum...nei ég meina einkaþjálfaranum og henni fannst ég ekki sýna nógu mikil svipbrigði við æfingarnar...er þannig...sýni sjaldan svipbrigði við erfiðisvinnu eeeeeen svipbrigði vildi hún fá og þegar leið á tímann fékk hún sko að sjá svipbrigði! Það er varla að ég geti pikkað á lyklaborðið. Er að spá í að borga einhverjum að koma í fyrramálið og bjálpa mér fram úr rúminu :) Svona af því minn heittelskaði er á sjó...efast um að Andri Þór nái að toga mig fram úr hehe.

Annars fékk ég blóðsykurfall í dag....fékk ógleði og svimaði þvílíkt...já ég veit...ég gleymdi að borða!!! Hún Sigga (einkaþjálfari) sagði mér að setja reminder á gsm símann á 2 klst fresti, sem er ekkert vitlaus hugmynd og hugsa ég að það verði bara gert á morgun.

Jæja börnin kalla...eins gott að ég geti haldið á henni Jóhönnu Örnu á morgun!

Kveðja,
Dóra

2007-02-14T10:24:00.000Z

Ég fór til einkaþjálfarans í gær, var að lyfta og tók síðan 8 mínútur á hjólinu eftir það. Mér líður bara vel í dag, finn alveg að ég hafi reynt á mig í gær en ég er engar harðsperrur með, enda var ég látin teygja vel. Svo var ég með tvær vinkonur mínar í smá saumaklúbbi í gærkvöldi, það var nú mest hollusta á borðum með pínu óhollustu en ég hef góða samvisku þótt ég viðurkenni alveg að ég hafi fengið mér smá óhollustu líka.

Ég fer aftur á fimmtudaginn í einkaþjálfun en ég veit ekki hvort ég geti farið í þessar 35 mín í brennslu þessa vikuna þar sem maðurinnn minn fór út á sjó í gær og kemur ekki fyrr en á mánudagsmorgun aftur, en þá bæti ég það bara upp í næstu viku og fer oftar þá. Ég verð að viðurkenna að mér finnst þetta skemmtilegt og þetta er góð tilfinning, að vita að maður er að hreyfa sig markvisst :). Ég verð bara að passa mig að borða oftar yfir daginn, allt í einu er klukkan bara orðin 18 og ég kannski bara búin að fá mér eitthvað tvisvar eða þrisvar yfir daginn. Svo er ég alltaf með vatnsbrúsann hjá mér núna, drekk alveg tvo til þrjá þannig brúsa á dag og brúsinn tekur 750ml af vatni.

Jæja ég læt þetta duga núna :)

Kveðja,
Dóra

2007-02-11T12:54:00.000Z

Ég er núna búin að fara tvisvar sinnum í ræktina, í brennslu. Ég á að fara tvisvar í viku í 35 mín brennslu og þá fer ég á hjól því þá er ekkert álag á löppina mína (hælinn+kálfinn). Ég fór í gær og í morgun og ég ætla aftur á morgun. Svo fer ég til Siggu á þriðjudag og fimmtudag og ætli ég taki ekki seinni daginn í brennslu á miðvikudaginn.

Varðandi vigtunina og það, þá finnst mér þessi tími svo langur en svo benti ein mér á það að nota það sem áskorun, þannig að ef ég verð komin lengra niður en 5 kg eftir þennan 1.5 mánuð, má ég kaupa mér tvo hluti. Reyndar eru buxurnar sem ég er mest í, sem eru númer 24 orðnar alltof stórar á mig og það er ekki gert ráð fyrir belti á þeim en ég verð bara að þrauka og nota gallabuxurnar mínar meira.

Annars ætla ég að gera tilraun til að vera með saumaklúbb í vikunni og greyið stelpurnar, fá ekkert nema einhverja hollustu :) Ætli ég hafi ekki eitthvað gúmmilaði handa þeim :) Svo er ég að skrifa í matardagbók núna og ég er að reyna að borða 6 sinnum á dag, en það gengur svona upp og ofan.

Jæja læt þetta duga í bili

Kv. Dóra

2007-02-09T21:31:00.000Z

Nýir teljarar - ákvað að uppfæra teljarana aðeins en ef ég held það út að vigta mig ekki fyrr en ég er búin hjá einkaþjálfaranum, verða þeir ekki uppfærðir aftur fyrr en eftir 1.5 mánuð

Stóri teljarinn - í tveggja tölu markmiðið....

Litli teljarinn - 5 kg markmiðin mín...Þegar 115 kílóum er náð, má ég kaupa mér buxur :)

Svo er það teljarinn fyrir 12. ágúst 2007 - en þar ætla ég að reyna vera orðin 85 kg

2007-02-09T21:17:00.000Z

Ég var að fatta þetta er ekki bara einn mánuður sem ég verð hjá Siggu einkaþjálfara, þetta er 1,5 mánuður og mér finnst alveg rosalegt að mega ekki vigta mig fyrr en eftir þann tíma....sé til hvernig það mun ganga, en ég er meðvituð um það að ég get farið að þyngjast aðeins aftur....

Ég ætla að taka brennslu á morgun og á sunnudag, fór áðan og keypti þriggja mánaða kort. Svo er ég að skrifa niður núna hvað ég borða, fyrir hana að sjá.

Verð að vera duglegri að drekka vatn, ætti ekki að vera flókið mál...eða hvað?!

Kv. Dóra

2007-02-08T20:37:00.000Z

Jæja þá er maður kominn heim :) Ég var látin lyfta, hún var að testa þyngdirnar og komst að því að ég þoli ansi mikla þyngd í tækjunum :) Svo var ég fitumæld og ummálsmæld. En ég má fara á vigtina í kvöld eða á morgun og svo ekki fyrr en þessi mánuður hjá henni er búinn, því ég gæti farið að þyngjast (vöðvar eru jú þyngri en fita) En ég verð fitumæld vikulega og verð ummálsmæld í lokin aftur. Ég mæti tvisvar í viku til hennar, til að lyfta og svo á ég að mæta tvisvar sjálf og fara bara í brennslu í heilar 35 mínútur, ekki lengur - ég ætti nú að geta það. Svo þegar ég er komin betur af stað, er aldrei að vita nema ég láti sjá mig í einhverjum tíma þarna :)

2007-02-08T17:39:00.000Z

Ég fer í kvöld í fyrsta tímann hjá einkaþjálfaranum, sú heitir Sigga og er í Perlunni. Ég talaði við hana í gærkvöldi og það var að losna eitt pláss hjá henni. Hún ætlar að taka stikkprufu á mér, athuga styrkinn minn og mæla mig hátt og lágt og auðvitað ræða saman um væntingar og slíkt. Æi hvað ég er ánægð að vera að byrja á þessu og vonandi fer nú vigtin að fara niður aftur, ekki bara standa í stað á sömu fjandans tölunni!

Af einhverjum ástæðum eru teljararnir mínir úti, laga það kannski í kvöld.

Kv. Dóra

2007-01-25T23:26:00.000Z

Ég þarf greinilega að fara að blogga hérna aðeins, er búin að vera að létta á mér í umræðu á barnalandi...spurning um að yfirfæra þetta bara allt hingað og meira til..

Þetta er umræðan og ég er doram
http://www.barnaland.is/messageboard/messageboard.aspx?advid=5689279&advtype=52#m5696038

En alla vega langt síðan síðasta blogg var. Ég er búin að vera í smá krísu með sjálfa mig, finn alveg að ég er komin á tímapunkt sem ég hef verið á áður og yfirleitt bara gefist upp. Núna hefur þyngdin staðið í stað og mér finnst það erfitt og þá byrja ég að borða. Er búin að vera aðeins og eftirgefanleg við mig upp á síðkastið, en núna skal ég gjöra svo vel að komast í sama gír og ég hef verið í! Ég finn alveg að mig vantar svona aðhald eins og ég var í fyrir áramót, finn að mig vantar meiri utanaðkomandi stuðning. Maðurinn minn styður mig auðvitað ég er að tala um mælingar og æfingar, að finna þessa "keppnis-ég skal" tilfinngu aftur sem ég fann þegar ég var í aðhaldinu fyrir áramót. Ég ætla að byrja hjá einkaþjálfaranum í febrúar, veit bara ekki hvern ég að velja (Guðrún ef þú lest þetta máttu alveg gefa mér hint - u know what I mean ;) )

2007-01-07T14:13:00.000Z

Nýr teljari og nýju markmiði náð :)

Stóri teljarinn

Litli teljarinn

Annars er maður að detta í gang aftur, maður er auðvitað búinn að leyfa sér meira uppá síðkastið en nú er bara að stefna að næsta markmiði sem er 115 kg og þá má ég kaupa mér nýjar buxur :)

Jæja ég ætla að blogga meira seinna í dag eða í kvöld.

Kveðja,
Dóra

2006-12-29T18:46:00.000Z

Ég skrapp aðeins í Kringluna í dag með mömmu, börnin voru auðvitað með. Mig langaði að máta buxur í Evans fyrst ég var þarna, mátaði stærð 22 - short (ég er svo klofstutt) og þær voru bara rosalega fínar, flottar ljósgráar. Er að reyna að vera ekki alveg eins mikið í svörtum buxum og ég hef verið. Í alvöru á tímabili var "einkennisbúningurinn" minn svartar buxur og ljósblá peysa! Ætla að gefa mér verðlaun þegar ég er komin niður í 115 kg, þá verð ég kannski komin í minni buxur en 22 :)

Reyndar á ég einar markmiðsbuxur númer 20. Ég fór í klippingu og strípur i dag, lít ekki lengur út eins og lukkutröll um hárið ;) Þetta er svo mikill léttir, held að hárið hafi nú bara verið nokkur hundruð grömm...hehehe. Ætla að vigta mig næst á miðivikudaginn, verð að passa mig að vigta mig ekki of oft, því oft er maður pínu þyngri en maður er í raun vegna vatns. Finn alveg að ég er með smá bjúg núna.

Ég fékk einkaþjálfara í jólagjöf frá manninum mínum...nei ég fékk ekki innpakkaðann mann undir tréið. Þannig að ég byrja í ræktinni með einkaþjálfara eftir áramót...hlakka svolítið til. Er að spá í að vera bara í Perlunni, það alla vega gefur manni tækifæri að fara kannski í sund á eftir.

Jæja ég læt þetta duga núna :)

Gleðilegt nýtt átaksár!!!

Bestu kveðjur,

Dóra

2006-12-25T21:30:00.000Z

2006-12-25T11:25:00.000Z

Ég varð að uppfæra - ég ætlaði ekki að trúa þessu!

Litli teljarinn - bara 300 grömm eftir í þetta markmið!!

Stóri teljarinn :)

2006-12-23T10:11:00.000Z

Þegar ég var búin í síðasta prófinu fór ég í Evans í Kringlunni og verslaði á mig jólaföt, en það voru verðlaunin mín sem ég var búin að ákveða að gefa mér. Reyndar fannst mér þetta mjög erfitt, á mjög erfitt að eyða í sjálfa mig finnst betra að eyða í börnin eða í heimilið. En ég ætlaði ekki að svíkja mig um þetta. Keypti mér jólakjól og rússkinsstígvéli. Fyrsta skiptið sem ég get fengið mér svona rennd stígveli en Evans selur fyrir breiða kálfa! Æði :) En ég ákvað að tékka buxum fyrst og komst að því að ég er búin að fara úr stærð 26 í stærð 22! Niður um tvær stærðir :)

Ætla síðan að biðja Gunnar að taka myndir af mér í kvöld, svona rétt fyrir jól til samanburðar. En ég finn mun á mér, þegar ég lít niður sé ég ennþá bumbu en hún er minni en áður :) Þegar ég lít í spegil og sé ég mun á andlitinu mínu, það er grennra en áður, undirhakan minni :).

Ég er búin að ákveða að fara inn á líkmasræktarstöð eftir áramót, ætla mér að vera dugleg að mæta. Veit að Gunnar á eftir að vera nöldrandi á eftir mér ef ég svík sjálfa mig um að mæta, verð bara að taka því nöldri með opnu hugarfari og vera jákvæð. Þetta er hans leið að vera hvetjandi þótt mér finnist þetta nöldur yfirleitt fráhrindrandi og leiðinlegt....spurning um hugarfarsbreytingu hvað þetta varðar :) Hætta að fara í vörn. En ég verð að gera þetta fyrir MIG og engan annann. Hann sagði mér um daginn að honum fyndist viðhorfið mitt og hugarfar hafa breyst frá því fyrir um ári síðan, sem er alveg rétt hjá honum það hefur breyst, til hins betra.

Ég þarf reyndar líka að fara til sjúkraþjálfara aftur útaf löppunum. Er með mjög slæmar bólgur í kálfunum sem hafa áhrif á hælinn þannig að ef ég hef verið að labba mikið yfir daginn þarf ég að taka inn bólgueyðandi og verkjastillandi um kvöldið til þess að geta sofnað fyrir verkjum og bara til þess að geta komið með framúr rúminu á morgnana.

Ég er með tvö markmið í gangi núna, fyrra er að komast í 120 kg og seinna er að komast í tveggja stafa tölu, 99 kg. En næst stóra markmiðið mitt verður, að vera komin niður í 85 kg á afmælisdaginn minn sem er 12. ágúst. Þannig að frá 1. janúar 2007 til 12. ágúst 2007 verður það markmið númer 3 ásamt því að fara í tveggja stafa tölu. Þetta helst auðvitað allt saman ekki satt? Hvert heildarmarkmiðið mitt verður, veit ég ekki ennþá. Ég vil eiginlega ekki setja mér einhver mörk núna á hversu mikið ég vil léttast. Ef ég færi að segja núna "ég ætla að verða 60 kg", verður þetta hálf yfirþyrmandi fyrir mig og hættan á uppgjöf meiri. Þess vegna verða stóru markmiðin mörg í þessu ferðalagi mínu. En það er samt eitt sem mig langar til að geta gert, að geta farið inn í venjulega fatabúð og keypt mér föt. Að þurfa ekki að eltast við þær búðir sem eru með stórar stærðir. Reyndar er ég mjög hrifin af Evans því þeir hafa líka föt fyrir fólk sem er lágvaxið eins og ég. Þótt ég væri í venjulegum stærðum, hugsa að ég myndi líka lenda í vandræðum með buxur og þyrfti örugglega að láta stytta þær áfram. En í Evans hef ég fengið buxur á mig sem passa fínt upp á lengdina að gera.

Jæja ég læt þetta duga núna...er í þvílíku ritstuði. Skrifaði langloku inn á venjulega bloggið mitt líka :)

Ég óska öllum lesendum þessa bloggs Gleðilegra jóla og farsældar á nýju ári! Og þið átaksskvísur sem lesið þetta gangi ykkur ofsalega vel um jólin og á nýju ári.

Dóra kisubolla :)

2006-12-23T01:30:00.000Z

Langaði að uppfæra teljarana svona rétt fyrir jólin :) Vigtin sýndi núna 122.3 - búin að fara 700 grömm af mér. Það er betra en ekkert ekki satt? Og miklu betra en þegar vigtin er á uppleið!

Minni teljarinn...

Stærri teljarinn...og nýtt í honum er að nú sýnir hann líka BMI töluna mína :)

Annars hefur þetta bara verið ljúf aðventa, hef ekki dottið í nammi þótt ég hafi nú leyft mér pínu meira en venjulega. En annars er ég alveg folfallin Mandarínu æta...frá Bónus, Robin mandarínur er tær snilld!

Jæja ætla að hvíla mig :)

2006-12-16T12:47:00.000Z

Ég sem vinn aldrei neitt vann í gærkvöldi þetta prógram hjá Akademíunni! Vann dekur á snyrtistofu :) Alla vega þá eru lokatölurnar í þessu prógrammi komnar, ég held auðvitað áfram og vigta mig og ég á fitumæli, þannig að ég get fitumælt mig líka. En það sem ég mun sakna er ummálsmælingin...

En ég ákvað í gærmorgun að prófa buxur sem ég gat ekki komið utan um mig í september og ég prófaði aftur í síðasta mánuði og það vantaði ennþá upp svolítið að ég gat hneppt. En í gærmorgun kom ég þeim utan um og var ég í þeim allan daginn í gær! Líður bara ofsalega vel núna :)

Kveðja,
Dóra

2006-12-13T15:10:00.000Z

Þá er síðasta mælingin hjá Akademíunni búin, vigtin er sú sama og hérna fyrir neðan en frá því ég var vigtuð síðast eru farin 3.2 kg ef ég tel rétt. En ég fæ vonandi útprentunina í þessari viku, verður spennandi að sjá hversu margir cm eru farnir á þessum 12 vikum. Annars er ég búin að vera í próflestri síðustu 2 vikur og það snakk sem mest hefur farið inn fyrir mínar varir eru Robin Klementínur...mmmmmmm....held ég verði bráðum AÐ KLEMENTÍNU! Reyndar verð ég að viðurkenna það að ég hef aðeins fengið smá nammi í þessum lestri....en laaangt frá því sem ég hefði fengið mér, ef ég hefði ekki verið á þessum stað núna...að vilja létta mig. En ég skal viðurkenna, mér leið ekkert vel eftir á....langaði að spóla tilbaka og neita mér um þetta en það þýðir ekkert að hugsa svona! Ég lít bara björtum augum fram á við og nú er í hönd tími sem mikið er um sætindi og slíkt og ég ætla ekki að neita mér um allt þessi jól! Held ég gefist bara upp frekar, nei ég ætla að bara að hafa þetta í hófi.

Blogga meira þegar ég fæ útprentunina :)
Litli teljarinn...

Stóri teljarinn...

Kveðja,
Dóra

2006-12-04T10:47:00.000Z

Mig langaði að uppfæra teljarana :)

Hér er litla markmiðið mitt :)

Hérna er svo stóra markmið númer 1

Kveðja,
Dóra

2006-11-28T09:24:00.000Z

Þá er ég búin að fá útprentunina frá Íþróttaakademíunni og ég er búin að setja þetta upp hérna. En þetta er frábært! Samtals 14.5 cm farnir af mér síðan 21. september!

2006-11-28T01:52:00.000Z

Smá meiri samanburður....

2006-11-28T01:34:00.000Z

Nýjar myndir af mér - reyndar finnst mér ég var svolítið bjúguð á andlitsmyndinni, getur verið vegna þess að ég fékk helvítis Rósu í heimsókn þetta kvöld og ég verð oft uppblásin vegna þess....

2006-11-26T09:04:00.000Z

Nú ætla ég að uppfæra teljarana....litla markmiði mínu númer eitt hefur verið náð :)

Minni teljarinn er því komin með ný markmið...ég læt hann byrja í 125 kg og markmiðið er 120 kg

Svo er það fyrsta stóra markmiðið

2006-11-24T12:56:00.000Z

Ákvað að skella inn myndum af mér sem voru teknar 8. nóvember. Ég fattaði ekki að láta taka mynd af mér áður en ég byrjaði en ég ætla að láta smella tveimur af mér í kvöld til að sjá hvort það hafi orðið einhver veruleg breyting....

2006-11-18T10:03:00.000Z

Jæja þar sem ég veit hver munurinn á vigtunum eru, veit ég réttu þyngdina mína þó ég vigti mig hérna heima. Ég vigtaði mig núna áðan í fötum en engum skóm auðvitað og þá hafði vigtin varið niður um 400 grömm síðan á miðvikudaginn þannig að ég vildi setja uppfærða teljara :)

Hérna er stóri teljarinn

Hérna er minni teljarinn

Annars er þetta mest allt matarræðinu að þakka, ég hef ekki mikið geta farið út að hreyfa mig vegna veikinda hjá Jóhönnu Örnu og svo hef ég verið svo slæm í bólgum á löppunum að ég á bara erfitt með það stundum. En ég hugsa að eftir áramót fari ég inn á einhverja líkamsræktarstöð.

Jæja læt þetta duga núna

Kveðja,
Dóra

2006-11-16T09:38:00.000Z

Jæja þá er þriðja mælingin búin og það eru 4 kg niður og slatti í cm og fituprósentu en ég fæ þetta allt útprentað á morgun eða eftir helgina. Þetta er frábært og er ég búin að reikna út að vigtin mín sýnir 2.6 kg meira en vigtin í akademíunni. Gaman að geta mínusað :)

Hérna er uppfærður teljari fyrir litla markmiðið og það er 1.2 kg í að ég nái því markmiði

Svo er það stóra markmiðið...ja stóra markmið númer 1

Set síðan inn tölulegar staðreyndir um mig þegar ég fæ þetta útprentað og fínt frá Akademíunni.

Kveðja,
Dóra - já er ekki bara best að nota sitt rétta nafn :)

2006-11-03T10:46:00.000Z

Í gær þá leið mér ekkert alltof vel, veit eiginlega ekki útaf hverju en ég var eitthvað svo leið og döpur. En ég líka fann hvað mig langaði að borða eitthvað sem ég ætti ekki að borða...langaði til að leita í skápana eða fara út og kaupa mér eitthvað. En ég lét ekki eftir mér, komst í gegnum þetta án þess að borða sem mér finnst vera framför.

Ég var að hugsa um í gær á meðan ég var á leiðinni til Reykjavíkur (þurfti að skreppa), alltaf þegar ég hef lést eitthvað smá, hef ég "haldið upp á það" með því að fá mér nammi eða einhverja aðra óhollustu, þarna er ákveðin mótsögn ekki satt? En síðan ég byrjaði á þessu ferðalagi mínu að léttara lífi, hef ég ekki tekið á þessu svoleiðis. Ég finn alveg hvernig viðhorfið mitt er allt öðru vísi núna en það hefur verið áður þegar ég hef reynt að létta mig.

Ég hef mikið verið að hugsa um andlega þáttinn í þessu en ekki bara líkamlega þáttinn, það er eitthvað sem ég hef aldrei gert. Að spyrja sjálfan sig "Af hverju viltu borða þetta? Er það af því líkaminn þarfnast þess til þess að halda áfram eða er þetta eitthvað í huganum á þér?" Oftar en ekki, er þetta einmitt bara í huganum á mér. Ég fattaði það um daginn að ég verð lika að "létta mig" andlega, þetta verður að haldast í hendur ef þetta á að takast.

Eins og ég hef sagt áður en fyrsta stóra markmiðið mitt að komast í tveggja stafa tölu og sýnir teljarinn hérna fyrir neðan hvað er langt í það eins og staðan var í síðustu mælingu. En til þess að sporin verði léttari að stóra markmiðinu, verð ég að setja mér mörg lítil markmið. En fyrsta litla markmiðið mitt er að komast í 125 kg, já þetta er ekki mörg kíló ég veit það en margt smátt gerir eitt stórt ekki satt? Það er eitthvað sem gerist hjá manni þegar einhverju svona markmiði er náð og maður verður sterkari og sterkari og öflugri fyrir vikið.

Þess vegna er þessi teljari hérna...hann er stilltur á þyngdina sem ég var síðast í mælingu

Svo er spurning hvernig næsta mæling verður, hvort ég verði búin að ná þessu litla markmiði mínu eður ei. Ef svo er, frábært ef ekki þá er það líka bara frábært því allt þyngdartap er gott.

Jæja ég læt þetta duga núna.

Kveðja,
Kisubolla

2006-10-30T12:30:00.000Z

Jæja þá er kominn tími á færslu hingað inn. Þetta gengur bara fínt, ég finn alveg mun á sjálfri mér. Sé mun í andlitinu á mér, það er farið að grennast og svo auðvitað finn ég mun á buxunum. Buxurnar sem ég keypti nú í síðasta mánuði, eru orðnar svolítið víðar á mig. Ég hef ekki haft það fyrir reglu að kaupa mér jólaföt, en ég held ég verðlauni sjálfa mig fyrir þessi jól og kaupi mér eitthvað sætt á mig í Evans í desember.

Ég fór á vigtina hérna heima áðan og mér sýnist að skekkjumörkin á milli hennar og vigtarinnar sem er notuð hjá Akademíunni séu um 2 kg - vigtin hjá akademíunni sýnir minni töluna. En vigtin hérna heima sýndi núna áðan 129.8. En þetta kemur betur í ljós í næstu mælingu sem ég held að sé 15. nóvember.

Annars líður mér bara vel, er farin að innbyrða miklu færri kaloríur yfir daginn (tel þær samt ekki). Ég verð mjög sjaldan mjög svöng, en borða nú samt en ég þarf ekki að hafa áhyggjur af brennslunni, því Reductilið virkar þannig að það viðheldur brennslunni í líkamanum.

Ég fékk mér köku á laugardagskvöldið, mamma átti afmæli og ég var búin að "spara mig" en annars hefur ekkert nammi fengið að koma inn fyrir mínar varir síðustu vikur og ég fattaði í gærkvöldi að ég hafði ekkert Pepsi Max fengið mér en ég leyfi mér það á laugardögum :).

Jæja læt þetta duga núna.

Kveðja,
Kisubolla

2006-10-23T18:21:00.000Z

Það er kominn tími á smá updeit. Ég fór ekkert út í gær...æi bara hreinlega nennti því ekki skal alveg viðurkenna það. En á laugardaginn fórum við Gunnar í góðan hjólatúr, hjóluðum í 1 klst og 15 mín og það var meðal annars hjólað upp á Leifsstöð. Svo fór ég aftur að hjóla áðan og hjólaði í 50 mínútur, hjólaði næstum því sama hring og ég Gunnar fórum nema ég bætti við hring innanbæjar (Keflavíkur) og fór ekki upp á Leifsstöð, beygði í hina áttina á Reykjanesbrautinni. Æi ég veit þetta er ruglingslegt en ég nenni ekki að útlista þennan hring eitthvað frekar...þarf að fara að elda kvöldmat hérna! En alla vega tók ég vel á og mér líður alveg rosalega vel.

Kveðja,
Kisubolla

2006-10-20T16:04:00.000Z

Uppfærður teljari...

2006-10-20T16:00:00.000Z

Jæja þá er mæling númer tvö búin og þessi vigt sem er þar er greinilega ekki sammála minni þannig að ég nota bara tölurnar úr mælingunum framvegis. En allt er samt á niðurleið og mest fóru cm af mér núna og ég finn það alveg. Annars er þetta dagur númer tvö á Reductil og þetta er mjög skrítið, ég hugsa ekki nærri því eins mikið um mat og verð ekki nærri því eins mikið og oft svöng. Reyndar þarf ég að borða reglulega en núna fæ ég mér bara smá og smá.

Verður gaman að sjá hvernig árangurinn verður eftir kannski tvær vikur.

2006-10-10T12:11:00.000Z

Rosalega er þetta pirrandi!! Þetta er þriðja tilraun mín að blogga eitt blogg!! Here goes.....

Ég fór ekki í sund í gær eins og hreyfimarkmið vikunnar gera ráð fyrir, ástæðan er sú að ég er ennþá með kvef ofan í mér og ég vil ekki fara í sund á meðan það er til staðar. Í staðin fór ég í langan og góðan hjólatúr, hjólaði út í Innri Njarðvík og þeir sem þekkja mig og vita hvar ég bý, vita að þetta er ansi langur hjólatúr. En ég fer aftur í kvöld, mér finnst þetta mjög hressandi og fínt. Ég hreyfi mig á kvöldin núna því ég verð að nota daginn til að læra á meðan Jóhanna Arna sefur. Enda skiptir svo sem ekki máli hvenær dags ég hreyfi mig, aðalatriðið að ég hreyfi mig.

Ég er núna búin að vera nammilaus í þrjár vikur og líður bara mjög vel, lítil sem engin löngun í nammi. Ég leyfi mér Pepsi Max á laugardögum samt, hina dagana drekk ég vatn og sódavatn og já kaffi :) . Ég er ekkert búin að vigta mig í dag og ætla ekki að vigta mig fyrr en á mánudaginn, það er ekkert hollt að vigta sig of oft...því ef maður stendur í stað eins og ég hef verið að gera fer maður að gefast upp. En góðir hlutir gerast HÆGT!

Ég er farin að borða miklu meira grænmeti og fisk en ég hef gert. Er að spá í að hafa einhvern góðan og léttan kjúkling um helgina og búa til skyrtertu a la Ágústa Johnson ;)

Jæja ég læt þetta duga í bili!

Kveðja,

Kisubolla

2006-10-06T09:52:00.000Z

Næsta mæling hjá Akademíunni verður að ég held eftir 2 vikur. Við erum mældar í 1 viku, 4 viku, 8. viku og 12. viku. Þannig að ef þetta stenst þá ættum við að vera mældar í kringum 19. október. Mig langar svolítið í sund í kvöld en ég held að það sé ekkert voðalega sniðugt með kvefið mitt, held að það sé best að vera alla vega laus við kvefið í lungunum. Þannig að niðurstaðan er sú að ég ætla að annað hvort í góðan göngutúr í dag eða hjóla.

Kveðja,

Kisubolla

2006-10-05T19:39:00.000Z

Ég fór út í góðan hjólatúr núna áðan. Hjólaði niður að Duus, fór svo upp alla Hafnargötuna og hjólaði að Stapanum og fór þangað til baka, framhjá Hjallatúni, Íþróttaakademíunni, fór niður Hringbrautina, niður Aðalgötuna og inn Garðaveginn heim :)

Þetta var mjög hressandi og fínt.

2006-10-05T16:50:00.000Z

Ég fór til læknis í morgun og fékk fjölnota lyfseðil fyrir Reductil. Svo fékk ég plagg fyrir TR útaf lyfjaskirteininu. Fæ það vonandi eftir ca 10 daga. Ég þurfti að fara í Lyfju því ég þurfti að leysa út sýklalyf (er með kvef ofan í mér) og ég spurði hvað það myndi kosta mig ef ég leysti út fyrsta skammtinn núna án lyfjakortsins (3 mánuðir) og já það myndi kosta mig 29 þúsund!! Ég held ég bíði eftir lyfjakortinu.

Ég fór auðvitað fótgangandi til læknisins, fór þaðan í TR (Sýslumann) og þaðan í Lyfju og svo heim. Einn góður hringur fótgangandi. Er að spá í að hjóla spotta í kvöld. Ég ætla að fara í bæinn á morgun, alla vega reyna það því ég þarf svo íþróttabuxur og það er búið að taka frá fyrir mig tvö stykki í Evans.

Jæja ég læt þetta duga í bili!

Kveðja,

Kisulóra

2006-10-04T16:06:00.000Z

Vigtin stendur í stað eins og er, en ég finn samt mun á sjálfri mér. Líkaminn er greinlega í einhverri úthreinsun þar sem andlitið mitt er andsetið bólum! Þetta er víst eðlilegt og ég hef græði fallegri húð í staðin. Ég fer til læknis á morgun, sem er ágætt því ég er að fá einhverja drullu ofan í mig þannig að ég bið hann um að kíkja það ásamt að biðja um Reductil. Ég hef ekki farið út að labba í dag, en það er bara af því ég er svo svakalega orkulítil og þreytt. Svaf lítið í nótt vegna hósta og svo var Jóhanna Arna sívaknandi líka en hún er búin að vera lasin. Ég ætlaði að fara í gönguna í dag með vinnunni, en ég verð bara að fresta því...hef bara enga orku og þá orku sem ég fæ vil ég nýta í lærdóm.

Ég þurfti virkilega að taka á mínum stóra áðan. Sá kexpakka inn í skáp sem ég vissi ekki að væri til. Hélt ég væri búin að hreinsa allt svona út úr skápnum, en ég lét hann vera. Vissi að mér myndi ekki nægja að fá mér eina...þær yrðu tvær, þrjár, fjórar, tuttugu...allur pakkinn! Ég hugsa að ég sleppi öllu svona þangað til ég treysti mér að hætta áður en það klárast. Þannig að á laugardaginn ætla ég að elda eitthvað voðalega gott í kvöldmatinn og leyfa mér að fá Pepsi Max.

Svo er ég búin vera að leita af sodastream flöskum hérna í Keflavík og þær eru bara ekki til! Ætla að tékka í bænum kannski um helgina. Mér finnst voðalega gott að geta fengið mér sódavatn til að taka á gosþörfinni.

Jæja læt þetta duga í bili

Kveðja,

Kisubolla

2006-10-02T10:30:00.000Z

Gleymdi að segja frá tölunum úr mælingunni á fimmtudaginn. En þá var kólestról, blósykur og blóþrýstingur mældur.

Blóðþrýstingurinn var 133/81
Blóðsykurinn var 6.6 - tek það fram að ég var nýbúin að borða hafragraut með berjum
Kólestról var 4.12 - sem er bara mjög fínt. Sá sem mældi var eiginlega hálfhissa að ég skuli hafa mælst með svona lítið kólestról miðað við þyngd. Ég var með minna kólestról en aðstoðarmatráðurinn sem er frekar grönn og í góðu formi.

2006-10-02T10:25:00.000Z

Uppfærsla á teljaranum - verður gaman að sjá hvað vigtin og ummálsmælingin hjá akademíunni segir næst þegar við verðum mældar.

Ég fór í afmæli á laugardaginn og var búin að ákveða að leyfa mér að fá mér kökur, samt ekkert mikið. En þegar ég loksins fékk mér. leið mér eins og ég væri að stelast að fá mér. Leið eins og einhver stæði yfir mér með þvílíkum vanþóknunarsvip. En greinlega er maginn að minnka því ég varð södd frekar fljótt. Borðaði mest að flatkökum með hangikjöti.

2006-09-29T12:25:00.000Z

Ég tók mér langan göngutúr áðan með vagninn og endaði í Samkaup til að kaupa mér hádegismat. Ég keypti mér Kjúklinga Tandori frá Ömmubakstri - hollt og rosalega gott. Ok þetta er dýrara en 1944 en mér er alveg sama, ég er að fá hollari mat og góðan. Svo í eftirrétt fékk ég mér Special K bar (eitt stk) Ég átti samt mjög erfitt þarna inni, gekk framhjá öllu namminu og gosinu....keypti mér jú sítrónutopp.

Ég er að fara í afmæli á morgun og þá ætla ég nú að leyfa mér smá.

Kveðja,
Kisubolla

2006-09-28T09:03:00.000Z

Nýr teljari! Vigtaði mig í morgun - hugsa að ég geri það framvegis á minni vigt alla vega. Hinn teljarinn verður uppfæður þegar næsta mæling hjá Akademíunni verður

2006-09-27T17:27:00.000Z

Ég keypt baðvigt í dag! Og skellti mér á hana, en af því það getur munað á milli vigta ætla ég að hafa tvo teljara í gangi. Einn fyrir mælinguna hjá akademíunni og einn fyrir baðvigtina.

Þetta er miðað við hvað ég mældist í dag - munar einu grammi og síðan ég var mæld í síðustu viku. En ég get ekki sagt hvort ég hafi misst eitthvað þar sem ég gat hafa verið þyngri á þessari vigt sem ég á.

Alla vega hef ég ekki haft tíma í dag fyrir að fara út að labba, en er búin að vera að pússa barnarúm með juðara í dag og svitna við það. Í gær hjólaði ég og sótti Andra Þór á leikskólann. Það er ganga í dag hjá leikskólanum en ég kemst ekki þar sem ég verð að fara að mála rúmið.

Ætla að vera duglegri á morgun. En ég hlakka ekkert smá til að fara til læknis í næstu viku og vonandi fæ ég Reductil. Ég ekkert nammi búin að borða í viku, hef sáralítið gos fengið mér og reynt að borða skynsamlega og hollt.

Jæja ég er hætt í bili!

Kveðja,
Kisubolla

2006-09-24T11:03:00.000Z

Ég stóð mig bara vel í gær, borðaði ekkert nammi eða neitt! Var að horfa á DVD í gærkvöldi, og vantaði eitthvað til að maula á og Kellogs Special K varð fyrir valinu og NOTA BENE það er líka til Coco Puffs! Mig vantar svo að kaupa vigt, vil geta fylgst aðeins með þyngdinni á milli mælinga. Næsta mæling er ekki fyrr en eftir ca 4 vikur. Ég fór út í göngutúr í gær með mann og börn en endaði ein með barnavagninn því ég vildi ganga rösklega en sonur minn var ekkert á því þannig að þeir feðgarnir fóru í sér göngutúr :)

Ég er búin að vera nokkuð dugleg að drekka vatn og í kaffinu í gær ákvað ég að fá mér eitt glas af Herbalife shake, ég á það til og þótt ég sé ekki á því ætla ég bara að nota aðeins með, þetta er svo sem ekkert öðruvísi en próteinsheikur. En bara gallinn er að ég verð ekkert mett, mér finnst ég endalaust svöng. Og ég er sú týpa sem yfirleitt hef gleymt að borða. Æi ég vona að ég fái Reductil hjá lækninum þann 5. október. Mér skilst að BMI talan verði að vera 40 eða hærri til að fá afsláttarkort hjá TR þannig að ég fell alveg undir þann flokk.

Ég var búin að ákveða fyrir um ári síðan að ég ætlaði að fara í magaminnkun, átti tíma hjá lækni og allt til þess að fá tilvísun til Hjartar, en varð ófrísk. Núna er ég búin að ákveða að reyna þessa leið og hún gengur illa eða ekkert, ætla ég að fá tilvísun til Hjartar.

Kveðja,
Kisubolla

2006-09-22T21:29:00.000Z

Jæja hérna eru tölurnar mínar úr fyrstu mælingunni:

Dagsetning: 21.09.06
Aldur: 31 árs
Þyngd kg: 131.4
Hæð í cm: 160
Fita % : 47.3
Fitumassi kg: 62.2
Fitulaus massi kg: 69.2
Ummál samtals cm: 539.5
BMI: 51

Samkvæmt þessum mælingum er æskilegt fituhlutfall í líkamanum mínum 22.5% miðað við aldurinn minn. Og markmiðsþyngd skv. því 85 kg.

Jæja læt þetta duga í bili

Kveðja,

Kisubolla

2006-09-22T14:02:00.000Z

Jæja ég er búin að fá tíma hjá lækni. Eftir mikinn lestur, ætla ég að fá Reductil skrifað upp á fyrir mig og biðja hann um að senda umsókn um lyfjaskírteini til TR. Mér skilst að BMI stuðullinn verði að vera 40 og yfir til að fá það lyf og þar sem minn stuðull er 52.5 ætti ég nú að fá kort. Ég á tíma þann 5. okbóber.

Annars er dagurinn búinn að vera ágætur, fór í langan göngutúr í morgun. Tók stóran hring með vagninn og fer aftur á eftir, en þar sem litlan svaf ansi vel og lengi, á ég ekkert von á því að hún sofni strax. Nú er dagur 2 í algeru nammileysi og er ég bara sátt. En ég vildi samt að ég ætti vigt (já þið lásuð rétt ég vildi að ég ætti VIGT!!) Væri gaman að geta vigtað sig kannski vikulega þar sem við erum bara vigtaðar 4x á þessum 12 vikum í átakinu hjá akademíunni.

Jæja ég er hætt í bili. Í kvöld verður kjúklingur á boðstólum :)

Kveðja,
Kisubolla

2006-09-21T16:03:00.000Z

Jæja þá er mæling númer 1 búin. Ég get nú ekki sagt að þessar tölur hafi verið eitthvað glæsilegar en ég er búin að uppfæra teljarann þannig að hann sýni hvað ég þarf að losna við mikið til að komast í tveggja stafa tölu. Þetta er eiginlega hálf yfirþyrmandi núna, en ég er bara að byrja núna og góðir hlutir gerast hægt ekki satt?

Ég er búin að fara einu sinni út í dag með barnavagninn, ég skrepp kannski út að labba aftur í kvöld eftir að börnin eru sofnuð.

Í dag er ég búin að borða eftirfarandi:
Fitness morgunkorn með banana
1 heilan banana
2 Kaffibolla
2 samlokur með skinku og osti

Kveðja,
Kisubolla

2006-09-20T16:31:00.000Z

Langaði að setja þennan teljara inn...þetta er fyrsta stóra markmiðið sem ég ætla að setja mér. Það er að komast í tveggja stafa tölu :)

2006-09-20T16:19:00.000Z

Jæja þá er vigtun og mælingar á morgun klukkan 14 í vinnunni. Mæti þangað með barnavagninn :) Æi þetta er ágætt, að fá að vita upp á hár hver þyngdin er ásamt fituprósentunni. Ég er nú ekki búin að vera neitt voðalega þæg í dag hvað mat varðar. Er búin að borða alltof mikið af sykri en ég ætla að standa mig betur á morgun.

Frá og með deginum í dag er bara nammidagur einu sinni í viku - á laugardögum! Ég hef gert það áður og ég get það líka núna!! Ég er búin að fara í tvo góða göngutúra í dag með vagninn, það er þó einhver hreyfing.

Skrifa meira á morgun eftir mælingarnar!

Kisubolla

2006-09-19T16:21:00.000Z

Jæja ég þarf að léttast heilmikið. En ég vil byrja á því að kynna mig og aðstæður mínar. Sem stendur ætla ég að vera nafnlaus. En ég er 31 árs kona sem býr með yndislegum manni og tveimur börnum í Keflavík. Börnin mín eru 3 ára og 6 mánaða. Ég byrjaði í átaki í fyrra en varð svo ófrísk en ætla nú að byrja á nýju. Ég léttist að vísu um 9 kg á meðgöngunni sem er nú bara gott mál.

Ég er að byrja í átaki með vinnunni, sem Íþróttaakademían stendur fyrir. Ég hef líka ætlað mér að byrja á danska kúrnum en hef ekki ennþá manað mig í það. En ég ætla að byrja á þessu.

Ég ætla að setja mér einföld markmið hverju sinni. Ég ætla ekki að gera þau mistök að setja mér það markmið að komast í kjörþyngd, þótt það sé í raun markmiðið en ég ætla að setja mér lítil markmið hverju sinni sem ég veit að ég get staðið við, annars gefst ég bara upp.

Fyrsta markmiðið er að mæta í vigtun og slíkt þegar það byrjar sem verður held ég í þessari viku.

En ég hef ekki vigtað mig í smá tíma en síðast þegar ég vigtaði mig var ég um 118 kg. En það sem ég stefni á fyrst er að komast í 110 kg.

Jæja ég læt þetta duga að sinni!

Kveðja,
Kisubolla :)